2024 жылғы 18 сәуірде сағат 15:00-деҚазақстан Республикасының Президенттік орталығында тұрақты даму мүддесі үшін ғылымдардың халықаралық онжылдығына орайластырылған «Орталық Азияның орнықты дамуы үшін ғылыми ынтымақтастықты нығайту» атты Халықаралық ғылыми-практикалық конференция өтеді.
Іс-шара Алматы қаласындағы ЮНЕСКО-ның Өңірлік кеңсесімен бірлесіп ұйымдастырылды және тұрақты даму саласындағы зерттеулерді кеңейтуге және инновациялық идеялармен алмасуға ықпал ететін Орталық Азияда халықаралық және өңіраралық ғылыми әріптестікті қалыптастыруға бағытталған.
Конференция жұмысына мемлекет және қоғам қайраткерлері, Қазақстан Республикасы Парламентінің депутаттары, Қазақстандағыдипломатиялық миссиялар мен халықаралық ұйымдардың өкілдері, ғалым-зерттеушілер, сарапшылар және басқалар қатысады.
