2024 жылғы 31 наурызда (жексенбі күні) сағат 11:00-де Астана қаласындағы Қазақстан Республикасы Президенттік орталығында «Tarikh Talks» атты белгілі тұлғалармен тарих бойынша кездесу және сұхбат өтеді. Сұлтан Бейбарыс туралы фильмді ұсынатын журналист, режиссер әрі продюсер, Қазақстан тарихы туралы деректі фильмдердің авторы Майя Бекбаевамен кездесу. Қазақ мемлекетінің көне дүние карталарын зерттеуші, белгілі ғалым, саясаттану докторы, Л.Н.Гумилев атындағы Еуразия ұлттық университетінің профессоры Мұхит-Ардагер Сыдықназаровтың кездесуі мен ашық лекциясы болады.
Сондай-ақ жиында IV-XIX ғасырлардағы Қазақ мемлекетінің көне еуропалық карталарының көрмесі ұйымдастырылады. Шараның ұйымдастырушысы – Қазақстан Республикасының Президенттік орталығы. Мекен-жайы: Астана қ., Ә.Бөкейхан к., 1а.
Кіру тегін. Орындар шектеулі.
