Қазақстан Республикасы Президенттік орталығында Астана қаласындағы №8 мектеп-лицейінің оқушылары үшін «Қазақтың музыка өнері» атты музей сабағы өтті.
Жас өрендер сабақ барысында ұлттық аспаптардың шығу тарихымен танысып, Қорқыттың өмір жолына терең бойлап, Құрманғазы, Дәулеткерей, Дина тағы да басқа өнер майталмандарының шығармашылығы жайлы білді.
Сондай-ақ жеткіншектер музейдің интерактивтік залындағы қобыз, домбыра, жетіген аспаптарын ұстап көріп, одан төгілген күмбірлеген күйлерге құлақ құрышын қандырды.
