Қазақстан Республикасы Президенттік орталығының қызметкерлері Семей қаласындағы Shakarim University университеті және Х.Досмұхамедов атындағы Атырау университетінің студенттеріне онлайн форматта «Әділетті қоғам – Адал азамат» семинар-тренингін өткізді.
««Әділетті қоғам – Адал азамат» семинар-тренингінің тақырыбы қазіргі таңда Қазақстанда өзекті. Біз ел дамуының жаңа кезеңіндеміз және жаңа белсенді, адал, әділ ұрпақты тәрбиелеу – бұл процестің маңызды қадамдарының бірі. Президенттік орталықтың оқушылармен де, студенттермен де жұмыс істейтіні қуантады. Мұндай тренингтер әртүрлі жастағы адамдар үшін қызықты әрі пайдалы болады деп ойлаймын», – деп өз пікірін білдірген екі күндік білім беру бағдарламасының қатысушысы Shakarim University 2 курс студенті Венера Сағадиева.
«Бұл семинар арқылы адалдық пен әділдік тек сөз жүзінде емес, біздің іс-әрекеттеріміз бен шешімдерімізде көрініс табатын маңызды құндылықтар екенін ұқтым. Сондай-ақ адал және жауапты азамат болу үшін қандай практикалық қадамдар жасау керектігін үйрендім. Өмірдің барлық саласында күш біріктіріп, адалдыққа ұмтылу арқылы ғана қоғамымызды әділ де, жарасымды ете аламыз», – деді Х.Досмұхамедов атындағы Атырау университетінің 3 курс студенті Дидар Оразымбетов.
