Президенттік орталық музейінде «Қазақ мемлекеттілігі ортағасырлық еуропалық карталарда» атты тақырыптық экскурсия «Менеджмент, бизнес және білім колледжінің» 2 курс студенттері үшін өтті.
Тақырыптық экскурсияға арқау болған Л.Гумилев атындағы Еуразия ұлттық университетінің Заманауи зерттеулер институтының директоры, саяси ғылымдар докторы, профессор Мұхит-Ардагер Сыдықназаровтың «Қазақстанның үзіліссіз мемлекеттілігі тарих толқынында XVІ-XIX ғасырлардағы еуропалық және америкалық карталардағы Қазақ мемлекеті» атты еңбегінде жарияланған карталар. Экскурсия барысында студенттер музейдің екінші залында қойылған XVІ ғасырда Бельгия, Англия, Австрия, Польша, Нидерланды елдерінде жарыққа шыққан карталарға үңіліп, Қазақ мемлекетінің геосаяси субъективтілігі туралы деректермен танысты.
