2023 жылғы 1 қарашада сағат 15.00-де Қазақстан Республикасының Президенттік орталығында «Болашақ» халықаралық стипендиясының 30 жылдығына арналған бағдарлама түлектерімен митап-кездесу өтеді.
Іс-шараның мақсаты – шетелде оқуға арналған мемлекеттік стипендиялық және гранттық бағдарламаларды қалыптастырудың қазақстандық тәжірибесін, Қазақстанның білім беру саласындағы халықаралық интеграция процестерін талдау.
Meet up форматы жастарға «Болашақ» бағдарламасы түлектерінің табыстарымен және жетістіктерімен танысуға мүмкіндік береді, жастардың шығармашылық және зияткерлік әлеуетін жандандыруға, сондай-ақ олардың саяси идеяларын, көзқарастары мен құндылықтарын қалыптастыруға септігін тигізеді.
Спикерлер қатарында Дмитрий Горбунов – «Ұлттық ғылыми кардиохирургия орталығы» АҚ балалар кардиохирургиясы бөлімінің меңгерушісі, дәрігер-кардиохирург; Айдар Махметов – ҚР Ғылым және жоғары білім министрінің кеңесшісі, «Maqsut Narikbayev University» университетінің қауымдастырылған профессоры, Кельн университетінің саясаттану ғылымдарының докторы, ММА, джиу-джитсу және грэпплингтен 7 дүркін әлем чемпионы, ҚР еңбек сіңірген спорт шебері; Серік Нұркенов – Астана Халықаралық университетінің қауымдастырылған профессоры, физика-математика ғылымдарының кандидаты, PhD, Қазақстандағы алғашқы медициналық физик және ядролық медицинаның негізін қалаушы; Нұрлан Өтешев – ҚР Кәсіподақтар федерациясы төрағасының орынбасары, қоғам және саяси қайраткер; Айдие Айдарбеков – Maqsut Narikbayev University Халықаралық журналистика мектебінің білім беру бағдарламаларының жетекшісі, продюсер, режиссер, сценарист, актер, композитор.
1993 жылғы 5 қарашада құрылған «Болашақ» халықаралық стипендиясы егемен Қазақстанның маңызды стратегиялық жобаларының біріне айналды. Оның құрылуы барлық салаларда білікті басқарушыларды қалыптастыру арқылы республиканы жаңғыртудың жаңа кезеңінің негізі болды.
Университеттердің оқу бағдарламаларына, оқу бағыттарына және географиясының ауқымдылығы мен кеңдігінің арқасында 2014 жылы «Болашақ» транзиттік экономикасы бар елдер үшін адами капиталды дамытудың үздік үлгісі болып, әлемдегі ұқсас 11 стипендияның ішінде ең жақсы бағдарлама болып танылды.
«Болашақ» стипендиясының тәжірибесін осы күні Қытай, Польша, Финляндия, елдері зерттеп жатыр. Сонымен қатар «Болашақ» бағдарламасы Ресейдің «Ғаламдық білім беру» бағдарламасы мен Татарстан Республикасының «Алгарыш» стипендиялық бағдарламасының негізі саналады.
