2023 жылғы 4 қазанда сағат 11.00-де Қазақстан Республикасының Президенттік орталығы Халықаралық Түркі мәдениеті мен мұрасы қорымен бірлесіп, Абай Құнанбайұлының шығармашылығына арналған «Abay Azarbaycanda va dünyada» атты әзірбайжан тіліндегі жинақтың тұсаукесерін өткізеді.
Басылымда ұлы ойшылдың әзірбайжан тіліне аударылған шығармалары, сондай-ақ Әзірбайжанның жетекші әдебиеттанушыларының оның өмірі мен шығармашылығы туралы мақалалары ұсынылған. Сондай-ақ жинақта Абай ескерткіштері мен мүсіндері туралы ақпарат берілген.
Аталған іс-шараға Қазақстан мен Әзірбайжанның мемлекет және қоғам қайраткерлері, түркітілдес елдердің дипломатиялық өкілдіктері мен халықаралық ұйымдарының басшылары, ғалымдар, жазушылар, Қазақстанның жетекші жоғары оқу орындарының студенттері қатысады.
Тұсаукесер өтетін мекенжай: Астана қаласы, Ә. Бөкейхан көшесі, 1, Назарбаев орталығы-1 ғимараты, 2-қабат, мобильді кітапхана залы.
